بہیڑہ‘بلیلہ‘بھیڑہ
انگریزی میں۔Beleric Myrobalans
لاطینی میں۔
Terminalia Bellerica
خاندان۔
یہ ہربڑ کے خاندان Red Bahman سے ہے۔
دیگرنام۔
عربی میں بلیلچ فارسی میں بلیلہ،گجراتی میں بیڈال ،بنگلہ میں بہیڈ ۔
ماہیت۔
بلیلہ کا درخت بیس فٹ سےلےکرسوفٹ تک بلند ہوتاہے اس کا تنا سیدھا گول اور لمبا گولائی میں چھ فٹ سے تیس فٹ تک ہوتا ہے۔اس کی چھال آدھ انچ سے ساڑھ تین انچ موٹی ہوتی ہے پتے بڑکے پتوں کی طرح پانچ سےآٹھ انچ لمبے گولائی لئے ہوئے کچھ چوڑے اوربدبودارتانبےکی طرح سرخی مائل ہرشاح کے سرے پر لگتے ہیں۔یہ بت جھڑ میں گرکر ماہ پھاگن چیت میں نئے نکلتے ہیں۔اور پھول بھی اس وقت لگتے ہیں جبکہ پھل شروع سردیوں میں لگ کر ماہ پھاگن پوس تک پک جاتے ہیں پھول مٹیالے سفید یا سبز پیلے رنگ کے ہوتے ہیں جو چارسے چھ انچ سیخوں پر ہالیوں کی طرح لگتے ہیں۔اور ان میں بھی بدبوآتی ہے پھل برے مازویا آملہ کے برابر ہوتاہے جس کے اوپر چھلکا اورموٹا ہوتا ہے گودااندرہوتا ہے ۔اس کے پھل کے اندر گٹھلی ہوتی ہے۔جس کے اندر مغز ہوتا ہے جس سے تیل نکلتا ہے۔
مزاج۔
سردخشک درجہ دوم۔
افعال۔
مسہل ،مقوی معدہ مقوی دماغ اور بصر۔
استعمال۔
معدہ کو تقویت دینے اور دستوں کو بند کرنے کیلئے بریان کرکے کھلاتے ہیں۔مقوی بصر ہونے کی وجہ سے دماغی نزلات کو خارج کرکے دماغ کا تنقیہ کرتاہے۔اس لئے بہیڑہ اطریفلات میں بکثرت استعمال کیاجاتا ہے۔بھیڑہ سردردکو دورکرتاہے اسلئے چھال کا ضماد فتق پرلگانامفید ہے اس کے علاوہ کچھرالی اور ورموں کوتحلیل کرتاہے۔بیہڑہ کوبریان کر کے سرمہ کے مانند باریک پیس کر آنکھ میں لگاناداد کیلئے مفید ہے۔بواسیر میں فائدہ مند ہے مقوی ومخرج فضولات سودایہ ہے بھوک پیداکرتا ہے۔سوداکو دست کے ذریعے خارج کرتا ہے۔
دماغ اورآنکھوں کوقوت دیتاہے بہت کم مقدار میں اسہال کہنہ کو مفید ہے آواز بیٹھنے میں بہیڑہ۔سیدھا اورفلفل دراز باریک پیس کر مکھن میں ملاکر بطور لعوق چٹانا فائدہ مند ہے۔
احتیاط۔
اگر اس کے مغز کی تیس چالیس گریاں کھالی جائیں تو زہریلی علامات پیداہوتی ہیں۔
نفع خاص۔
مقوی معدہ دماغ۔
مضر۔
مقعد اور آمعاہ کیلئے ۔
مصلح۔
شہد وخالص و شکر روغن بادام
بدل۔
شگوفہ حنا (مہندی)۔
کیمیاوی اجزاء پھولوں میں۔
ایک گلوٹینک ایسڈ مواد مفرح رال تخم میں سبزی مائل تیل جوکہ دوطرح کاہوتاہے ایک رقیق زرددوسرا سفید گھی کی طرح
غلیظ یعنی گاڑھا یہ گھی تیل کی جگہ استعمال ہوسکتا ہے۔
مقدارخوراک۔
پانچ سے سات گرام (ماشے )
مرکبات۔
بھیڑہ ہراطریفل کا جز ہے اطریفل صیغروکبیراس کے خاص مرکب ہیں۔جو گراج گوگل جوارش حب بلیلہ۔وغیرہ۔
رنگ۔
بھورازردی مائل ۔
ذائقہ۔
بدمزہ۔کھٹا۔
مقام پیدائش۔
جن علاقوں میں ہڑپیدا ہوتی ہے ان علاقوں میں بھیڑہ بھی پیداہوتاہے ۔ریاست جموں ،ضلع کانگرہ ٖڈیرہ دون یا دہرہ دون نینی تال ہمالیہ کے دامن اور پاکستان میں راولپنڈی کے مشرقی علاقے میں پایاجاتا ہے۔
