پالک۔
(Oleraceae(Spinach)
خاندان۔
Chenopodiaceae
دیگرنام۔
عربی میں اسفاناخ،فارسی میں اسپاناخ ،بنگلہ میں پالم ساگ مرہٹی میں پوئی ساگ کہتے ہیں۔
ماہیت۔
یہ پودا مشہور ہے کہ جس کے پتوں کا ساگ پکا کر کھایا جاتا ہے۔اس کے پتے جڑسےہی علیحدہ نکلتے ہیں۔جو کاسنی یا کاہو کے پتوں کی شکل کے لیکن ان سے موٹے اور گہرے سبز ہوتے ہیں۔یہ پودا نو انچ سے ایک یا ڈیڈھ فٹ اونچا ہوجاتاہے۔پتے لمبے اور کافی چوڑے پیچھے ڈنٹھل ہوتاہے ڈنٹھل پولاہوتا ہے۔پھول بہت چھوٹے لیکن گچھوں میں ہوتے ہیں۔اس کے تخم زردی مائل تکونے ہوتے ہیں۔اس کو باغوں میں عموماًبھادوں یااسوج میں بویاجاتاہے۔چیت بیساکھ تک عموماًکثرت سے پیدا ہوتی ہے۔اس کے پتوں کو جتنا کاٹاجائے اتنا ہی جلدی جلدی بڑھتے ہیں۔
پالک پاکستان اور ہندوستان کا پرانا پودا ہے۔
مزاج۔
سردو تردرجہ اول۔
استعمال۔
اس کا ساگ زورہضم اورملین ہوتا ہے۔گرم بخاروں دق قبض یرقان اورپیشاب کی سوزش میں مفید ہے قے الدم میں پالک کے سبز پتوں کا رس نکال کر شہد یا مصری کے ہمراہ پلاتے ہیں۔
نوٹ۔
پتھری پیداکرتی ہے۔لیکن سوزش معدہ اور پیاس کو تسکین دیتا ہے۔پیشاب آور ہے اس کے پتوں کے پانی سے غرغرہ کرنا اور شکر ملا کر پینا درد گلومیں مفید ہے۔
نفع خاص۔
تپ حار اور درد گلو ۔
مضر۔
مصدع۔
مصلح۔
دارچینی گھی روغن بادام ۔
بدل۔
خرمہ اور بتھوا کا ساگ۔
مقدارخوراک۔
دس سے بیس تولہ تک یعنی دو سو گرام بطور دواء پانچ سے دس گرام۔
