بینگن
(Brinjlas)
دیگرنام۔
عربی میں بادنجاں ۔ملتانی میں اور پنجابی میں وتاؤں سندھی میں وانگن مرہٹی میں ہانگے اور انگریزی میں برنجاں کہتے ہیں۔
ماہیت۔
مشہور عام سبزی یا ترکاری ہے اوپر چمک دار چھلکا ہوتاہے اندر سے سفید اور پتوں والا ذائقہ پھیکا اور ڈھئی کے ساتھ کانٹے چھوٹے ہوتے ہیں۔اقسام کے لحاظ سے دو طرح کا ہوتا ہے ایک گول اور دوسرالمبا ہوتا ہے۔دونوں کو بطور نان خورش بکثرت کھایاجاتا ہے۔
مزاج۔
گرم وخشک
افعال۔
قابض نفاخ مسددمحلل ومسکن اورام ۔
استعمال
بینگن کو تنہا یا گوشت یا آلو کے ہمراہ پکا کر کھاتے ہیں۔اکثر لوگ اور بچے اس کو ناپسند کرتے ہیں کیونکہ یہ قبض ونفاخ پیدا کرتاہے۔اور فاسد مواد بھی گرم ورموں کو تحلیل کرنے اور درد شکم کیلئے مفید ہے۔بینگن کا پانی پانچ سے سات تولہ گڑیا چینی سے شیریں کرکے پلاتے ہیں۔اس کو تراش کر ہمراہ انبہ ہلدی کے سینکنا چوٹ کو مفید ہے بینگن امراض جگر میں نافع ہے اور گرم مزاج کو موافق نہیں آتا۔
نفع خاص۔
مقوی معدہ مسکن اوجاع ۔
مضر۔
مورث بواسیروسودا ۔
مصلح۔
گوشت روغن سرکہ ادرک۔
خوراک۔
بقدرہضم۔
