Dard-e-Gurda ka elaj | Kidney pain relief remedy and Medicine in Urdu

 

Dard-e-Gurad yani gurday kay dard ka elaj kesy kiya jae?

Gurda ka dard agar ziada ho aur fori aram chahiye ho tou main aap ko aik pain killer btane laga hon jo aap ke aur aap ke doston aur rishtadaron ke bohat kaam aa sakta hai. Wo ye hai ke jab bhi aap ke gurda main dard ho tou adha chai ka chamach (Half Tea Spoon) Ajwain ka neem garam pani ke saath le lein tou dard fori ruk jae ga. Yakeen na ho tou azma kr zaroor dekhain.

Uper waly totka se sirf dard khatam hota hi ilaj nahin. Is liye is ka ilaj zaroor krna chahiye jis ke liye aap ko chahiye ke Reyah kay mada ko paishab (pee) k zarye kharaj krne wali aur tehleel ( tor tor kr zara zara krne wali) dawain pilai jaen.


Ye joshanda reyah Gurda k liye mufeed hai.

Badyan    (Soonf)                                                        6 gram

Sadab                                                                           6 gram

Gul Surakh (Gulab ki Patiyan)                                    3 gram

Anisoon                                                                        3 gram

Beekh Badyan (Soonf ki Jarh)                                     6 gram

Beekh Kabeer                                                              6 gram

Sari chezain pani 2 cup main josh de kr jab aik cup pani reh jae tou chaan kr neem garam pilaen aur namak waghaira se takor krain.

Is joshanda se gurda ka dard ka ilaj ho jata hai ye joshanda kam se kam aik week tak lazmi use krain.